Atualità
Fé valëi n prinzip di paiamënc automatics da Roma
USP – La Jonta provinziela uel fé valëi l prinzip dl’acurdanza de Milan danter Stat y Provinzia, che 9/10 dla chëutes che vën da Bulsan dëssa automaticamënter unì mandedes de reviers. Chësc à i assessëures provinziei fat ora (ncuei) ai 04 de lugio.
Nchinamò à l minister cumpetënt a Roma mo for fat n decret per mandé de reviers 9 pertes sun 10 dla chëutes. “A chësta maniera val perdù truep tëmp, fic y mplu muessen mo mpresté su scioldi” à spiegà Durnwalder tla cunferënza stampa do la senteda dla Jonta. Sën uel la Jonta provinziela fé valëi chël che fova bele unì fat ora tl’acurdanza de Milan, che chisc scioldi dla chëutes dëssa unì mandei su atomaticamënter pernan che i vën paiei ite.
as
