Atualità
Jonta provinziela per la fujion dla sozietà de nfurmatica y dla repartizion provinziela
USP - L lëur che vën fat dala sozietà de nfurmatica SIAG y dala repartizion provinziela Nfurmatica ie n pert l medemo. La Jonta provinziela à (NCUEI) te si senteda dl 11 de lugio delibrà de mascima de mëter adum chësta doi istituzions per la pert che reverda la coordinazion di lëures.
“Duta la istituzions publiches, dai spedei ai chemuns dëssa se nuzé di servijes de nfurmatica dla sozietà SIAG, ma perchël dëssel unì metù a jì mo n a miëur coordinazion” à dit l presidënt dla Provinzia do la senteda dla Jonta provinziela. L mëter adum dla SIAG cun l ufize provinziel dëssa purté n sparani finanziel y de culaburadëures. Me la sozietà SIAG, metuda su l ann 1992 dëssa avëi 430 culaburadëures.
Aldò dl presidënt Durnwalder dëssa la repartizion provinziela dantaprima se cruzië dla programazion y coordinazion, ntan’ che la SIAG dëssa curé la pert operativa te chësc ciamp ulache n muessa tenì l var di tëmps.
I proscimi vares unirà fai ora tla proscima sentedes.
as
Landeshauptmann Durnwalder über die Zukunft der Abteilung Informationstechnik
- Scarica il file audio 391 kb
