Atualità
Jonta provinziela n cont de debic di chemuns per refudam y sareneres
USP - La Jonta provinziela à (ncuei) ai 11 de lugio tratà l paië ju di debic de nvestimënt da pert di chemuns per deponies dal refudam y sareneres. I criteries ie unic adatei.
Tenian cont dla crisa economica fova l fit per mprësć per nvestizions unì smendì al minim udù dant per lege de un n percënt. La Jonta provinziela à inò auzà chësc fit. Sciche l presidënt la Provinzia Durnwalder à spiegà riesc do la senteda dla Jonta, vën l fit auzà n puech al iede, scumencian dal 2012. Te nuef ani uelen inò ruvé su a doi percënt. I scioldi che i chemuns paia ite ruva tl fond de rotazion ora de chël che l vën mprestà scioldi per nvestimënc nueves di chemuns.
as
