Atualità
Ai 5 de agost sëurandata de stieres tla Scola Ladina
USP – N vëderdi ai 5 de agost vëniel sëurandat la stieres da nseniant per l ann de scola 2011-12 tla Scola Ladina. Nsenianc che ie tla graduatories possa se prejenté dala 9.00 danmesdì tla sënta dla Ntendënza Ladina a Bulsan.
La sëurandata dla stieres de rodul y de cuntrac a tëmp per personal nseniant vën fata sun la basa dla graduatories provinzieles per l ann de scola 2011/12.
N vënderdi ai 05 de agost uniral dala 9.00 danmesdì sëurandat la stieres liedies per la scoles elementeres de Gherdëina y dla Val Badia. Per chësta scoles vëniel chëst ann me sëurandat cuntrac per un n ann.
Dala 9.30 uniral sëurandat la stieres liedies per la scoles mesanes y la scoles autes ladines. Per la scoles autes vëniel chëst ann nce sëurandat una stiera de rodul per materies litereres tla rujeneda tudëscia tla scola auta Raetia a Urtijëi.
Nsenianc che ie tla graduatories possa se prejenté tla Ntendënza Ladina, streda Binder 29 a Bulsan cun n documënt de identificazion. Sce l candidat ne possa ai 5 de agost nia ji a Bulsan, possel se lascé reprejenté da na persona de crëta cun delega scrita.
I diretëures de scola possa scumencé a fé i cuntrac per suplënzes pernan che la sëurandata tla Ntendënza ie stluta jù. La sëurandates tla singula direzions unirà fates aldò dla graduatories d’istitut.
as
