Atualità
Tru di artisc’ a San Ciascian, una figura nce al Assessorat Ladin
USP – A San Ciascian iel unì fat n troi di artisc’ ulache l sarà da udëi sies opres de ert figurativa. Una de chësta opres ie unida cumpreda dal Assessorat Ladin dla Provinzia de Bulsan per sustenì la scumenciadiva d’ert tl raion ladin. Le tru di artisc' a San Ciascian unirà giaurì ufizialmënter (DUMAN) ai 10 de agost.
Sun scumenciadiva dl’Associaziun Turistica de Badia y dla lia Ert por i Ladins iel danter La Ila y San Ciascian unì anjenià ca n troi sun chël che n possa amiré figures de ert contemporanea. Danter l’istituzions publiches che à sustenì chësta scumenciadiva iel nce l Assessorat provinziel ladin che à a chësta maniera ulù sustenì na scumenciadiva che valorisea l’opres fates da artisć ladins. Da pert dla Provinzia de Bulsan iel unì cumprà la figura dal titul "Odaliske" dl artist badiot Giovanni Rindler che vif a Vienna. L’autra figures ie unides fates da Pepi Pescollderungg, Silvester Promberger, Pepele Rinna, Helmut Pizzinini y Lois Anvidalfarei.
La giaurida dl Troi di artisć ie unida metuda a jì per duman ai 10 de agost, dala cinch domesdì pra la zentrela idroeletrica Gadera Altin a La Ila. Te chësta ucajion uniral da sëira nce fat mujiga ladina sun plaza tl zënter de San Ciascian.
as
