Atualità
Durnwalder anconta i cëves dla ndustria taliana y tudëscia
USP – I cëves dl’assoziazions dla ndustries talianes y tudësces, la presidënta dla Confindustria Emma Marcegaglia y l presidënt dl BDI Hans-Peter Keitel ie (N SËIRA) ai 20 de utober stai ghesc’ dl presidënt dla Provinzia Durnwalder tla Laimburg. I cëves dla gran ndustria à mustrà stima per l lëur dla Provinzia de Bulsan.
N ucajion dl prim business-forum talian-tudësch a Bulsan, à l presidënt dla Provinzia Durnwalder ancuntà tl Felsenkeller na delegazion de Confindustria cun si presidënta Marcegaglia, dl BDI cun l presidënt Keitel y l minister tudësch Werner Hoyer deberieda cun na lingia de mprenditëures de gran inuem dla Talia y Deutschland. Te si salut a feter 70 gesć à Durnwalder dit che la Jonta provinziela cëla de mëter a jì la basa per n svilup sozioeconomich dl raion menan l’autonomia a na maniera da tré ite la populazion. “Senton sun 5 prioriteies: dal mëter a jì stieres cualifichedes nchin a na furmazion lergia, dal fé promozion dla tueda y inuvazion nchin la scunanza di raions periferies dal mucé dla jënt. L svilup dla mubilità y dla produzion de energia che tën cont dl ambient”.
La presidënta de Confindustria Marcegaglia sorissà che la Provinzia de Bulsan vën aministreda drët bën “L Südtirol à de bona casses, ma n vëij nce che i scioldi publics vën adurvei bën y che l raion vën aministrà bën”. Marcegalia à nce metù a cuer che l pëis che la Provinzia ti dà al lëur y al’economia ie da sentì y da udëi. Esprescion de stima à nce abù l presidënt tudësch dl BDI Keitel che à numinà Durnwalder promotëur inufiziel dl meeting ajache pernan che l à sapù di cuntac taliani – tudësc se al riesc muet acioche l vënie fat l’ancunteda tl Südtirol. L presidënt dla Provinzia à nstës cunedì l dejidere che l forum vënie tenì regularmënter tl Südtirol: “ala fin iel nosc duvier de fé da puent danter l raion culturel tudësch y talian”.
as
