Atualità
Curì l custimënt dl furnel dal refudam
USP – La Jonta provinziela cëla de stlarì co spartì su l finanziamënt dl furnel dal refudam a Bulsan Sud. Per chësta rejon iel (NCUEI) ai 21 de nuvëmber unì fat ora de mëter su na cumiscion che dëssa lauré ora na pruposta aldò.
Nchin ala fin de n auter ann fejen cont de finé majera pert dla furnel dal refudam a Bulsan. L mprëst de feter 130 milion de euro che ie unì tëut su per chësta nfrastrutura pudëssa unì paià ju tres l vënder strom y l ciaut per sciaudamënt a destanza che dà ca l furnel, y chël che resta da paië tres la tarifes.
“Sce l custimënt vën me spartì danter chisc trëi ponc, unissa la tarifes bonamënter a custé de massa” à di l presidënt Durnwalder te cunferënza stampa. Per chësta rejon uniral cherdà ite na cumiscion che dëssa valuté tant che i chemuns pudëssa judé pea.
Te chësta cumiscion dëssa vester reprejentà l Ecocenter, l Ecoterm, la Repartizions per lëures publics y finanzes cun l Chemun de Bulsan. I assessëures Mussner y Laimer ie unic nciariei de lauré ora na pruposta da prejenté te Jonta provinziela.
as
Landeshauptmann Durnwalder über die Tarife der Müllabfuhr
- Scarica il file audio 465 kb
