Ambiënt | 30.12.2011 | 14:40

I chemuns muessa fé n plann per sparanië luminazion

USP – La Jonta provinziela ne azeta nia plu l mpaziamënt luminëus y uel deberieda cun i chemuns nce sparanië energia. Te tëmp de n ann messerà i chemuns anjenië n plann per sparanië luminazion publica.

Ti luesc y tla ziteies iel de nuet massa luminazion che ne va nia debujën. “Luminazion de scrites, plazes dal sport, stredes y plazes dai auti ne muessa nia vester ntan duta la nuet” à dit l presidënt dla Jonta provinziela (NCUEI) ai 30 de dezëmber.

Feter l 16% dl’energia che i chemuns spënd ann per ann reverda la luminazion publica. La Jonta provinziela se vëij tlo n potenzial de sparanië la terza pert de chisc custimënc. La se trata tl de mplanc de luminazion che vën fai da nuef. Aldò di assessëures provinziel dëssel d’inviern unì sparanià luminazion publica danter mesanuet y la 6 da duman, d’instà n’ëura plu tert, dala un ala sies da duman. N program plu avisa dl sparanië luminazion publica dëssa i chemuns lauré ora te tëmp dl proscimo ann.

as