Atualità
Metrobus per l Überetsch sun mëisa dla Jonta provinziela
USP – Per ruvé a na soluzion dl problem dl trafich danter Bulsan y l Überetsch, an fat n var inant. La Jonta provinziela à (NCUEI) ai 04 de juni nciarià l assessëur Florian Mussner de analisé la cundizions tecniches y l custimënt de n metrobus.
“Aldò de esperc ie l metrobus la sëula soluzion realisticia n cont de tëmps de realisazion y finanziamënt” à dit l presidënt Luis Durnwalder n cont dla cuestion dl raion Bulsan – Überetsch. Cundizion per l funziunamënt de n tel metrobus ie na corsia resserveda y n sistem de semafer che l lascia passé te uni ncrujeda.
La cundizions dëssa unì analisedes dal assessëur ai lëures publics Florian Mussner. N iede se tratel de udëi ora i toc danter Kaltern y la stazion de Bulsan ulache la streda ie lergia assé per na corsia resserveda al metrobus. Leprò iel da cialé ulache n messëssa tò ite grunt per slargë la streda. Debujën iel nce da savëi ulà che ie debujën de semafri aldò y cie che chisc cumporta. La ncëria a Mussner reverda pona nce de calculé l custimënt per la realisazion de n metrobus.
as
Landeshauptmann Durnwalder über die Projekte zur Mobilität zwischen Bozen und Überetsch
- Scarica il file audio 1124 kb
