Atualità
200 lueges de pratica tla Provinzia
USP – Nce chëst ann ti vëniel ai sculeies dla scoles autes, studënc de università y jëuni che à finà l studi pità la puscibltà de pratica tl’Aministrazion provinziela. Per l instà 2013 à la Jonta provinziela dat pro 200 lueges de pratica.
De ndut saral 200 jëuni che puderà fé nchin a trëi mënsc de esperienza de lëur tla Provinzia. Chësta puscibltà ti vën piteda a sculeies dala cuarta tlas dla scola auta suvier. "Sculeies y studënc possa da una pert mparé a cunëscer l'aministrazion publica y dal'autra pert ai nce n'atività ntan si feries ulache i possa se davanië velch" à dit l presidënt dla Provinzia Durnwalder. Per uni di de lëur à la Jonta provinziela dat pro 30 euro al di per sculeies dla scola auta, 40 per studënc universiteres y chëi che à finà i studi. Praticanc ti ufizies provinziei a Roma o Bruxelles giata 50 euro al di. La dumandes possa unì mandedes ite nchin ai 28 de fauré 2013.
as
