Atualità
7 milion de dann a Badia
USP – La smueia de Badia, che fova unida ju a mez dezëmber, à fat n dann materiel de 7 milion de euro. La Jonta provinziela à (NCUEI) ai 21 de jené recunesciù chësta cuantificazion dl dann.
"Sce la smueia ne se muef nia plu inant y sce la situazion resta sciche la ie ncuei, pona iel unì a se l de n dann de feter 7 milion de euro" à dit l presidënt dla Provinzia Durnwalder riesc do la senteda dla Jonta. L majer dann reveda la 3 cëses cun frabicac che toca leprò. Tlo iel unì stimà n dann de feter cater milion de euro. Per i lëures che ie unic fai tl ciamp di ruves da mont vëniel fat cont cun 3 milion de euro. De mëndra somes iel per l'agricultura y la repartizion di bosc cun na stima de dann danter 800.000 y 1.200.000 euro.
La Jonta provinziela à nciarià i ufizies de cumpetënza de cialé do sce l possa unì curì chësc dann cun la leges che ie bele o sce l ie de bujën de junté vel articul spezifich.
as
