Atualità
31 de jenà y pröm de forà tles scores altes da La Ila
USP – I scolars y sü geniturs che mëss tó na dezijiun sön ći fà do la scora mesana po ai 31 de jenà y al pröm de forà s’informè sön ći che les scores altes da La Ila pîta. Te chisc dui dis ti vëgnel daurì les portes dl Istitut Tecnich Economich, dl Lizeum Linguistich y dl Lizeum dles Sciënzes Umanes a dötes les porsones interessades.
I dis dla porta daverta ti pîta ai scolars y ales families na bona ocajiun por imparè a conësce les scores altes da La Ila y l’insegnamënt che ai po ciafè dailò.
Les materies, les metodologies d’insegnamënt y les infrastrotöres vëgn presentades en jöbia, ai 31 de jenà dales 14.30 ales 16.00. Le dé do, en vëndres al pröm de forà vëgn chësta ocajiun pitada dales 08.00 ales 13.00.
Les porsones interessades po inće tó sö contat diretamënter cun la direziun dles Scores altes da La Ila tres telefonn (0471-847252) y tres internet (www.ll-itc-laila.it).
as
