Atualità
Iscrizions ala scolines ladines dai 18 ai 20 de fauré
USP – A scumenciamënt dla terza ena de fauré, dai 18 ai 20, uniral tla scolines de Gherdëina y dla Val Badia tëut su l’iscrizions per l ann de scolina 2013-2014. I plu pitli che possa unì scric ite ala scolina tla valedes ladines muessa nchin ala fin de fauré 2013 avëi cumplì doi ani.
Da n lunesc 18 nchin n mierculdi 20 de fauré 2013 vëniel tëut su la iscrizions ala scolina te chël chemun ulache la families ie da cësa. Sciche fej al savëi l’Ispetorat y la Direzion dla scolines ladines uniral tëut su mutans y mutons da doi ani y mez a sies ani. La dates de nascita de referimënt muessa perchël vester danter l prim de setëmber 2007 y la fin de fauré 2011.
Per scrì ite ala scolina iel da tò pea la cherta dl numer de còdesc fischel di mëndri. Per la scolina de Sureghes y per la scolines de Urtijëi (Salieta y Scurcià) unirà duta la iscrizions tëutes su zentralmënter tla Direzion dla scolines, tla Scolina Salieta aut ite (streda Roma 4, III. partimënt).
La cumpëida che puderà unì tëuta su te uni singula scolina unirà valuteda de merz dai cunsëies de scolina aldò di criteries dla Provinzia y di chemuns.
as
