Atualità
Pruposta de na sozietà unica per duta la sozieteies dal strom
USP - La soluzion dla problematica dla produzion de strom tl Südtirol dëssa vester la culaburazion. Sun pruposta dl assessëur Mussner à la Jonta provinziela (NCUEi) ai 04 de fauré azetà de nvië via tratatives per ruvé a na holding danter la sozieteies dal strom tl Südtirol.
La tenscions danter la sozieteies dal strom per giapé la cunzescions per la produzion de strom ie daniëura grandes. Ma nchin che la pruzedures de suneria per la sëurandata de cunzescions nia do regula ie mo daviertes, uelen ntant cialé danora y abiné modiei nueves. "L muessa vester mesun purté inant deberieda na politica dl'energia" à dit l presidënt dla Provinzia Durnwalder do la senteda dla Jonta provinziela. Tres na majera "holdig per l'energia" che tol ite duta la sozieteies dal strom, ulëssen ruvé a na culaburazion plu strënta per la produzion y l dé inant dl strom, ma nce per la rë dla linies dal strom.
L assessëur al'energia Florian Mussner ie unì nciarià de purté inant tratatives cun duta la sozieteies dal strom y de lauré ora prupostes mo plu cuncretes deberieda cun la sozietà SEL.
as
