Atualità
Acurdanza danter Jonta provinziela y RFI per stazions nueves
USP – Pra l spedel de Burnech, a Vierschach y a Bulsan tl raion Kaiserau/Casanova possel unì fat stazions dla ferata nueves. La Jonta provinziela à (NCUEI) ai 18 de fauré azetà l’acurdanza cun la sozietà rë dla ferata RFI. Pert de chësta acurdanza ie nce n miuramënt dla ncrujeda cun la streda de Sigmundskron.
Dajan pro la pruposta de cuntrat iel un fat n var mpurtant per pité n servisc de trasport publich mo plu daujin al zitadin. "Te na culaburazion cun RFI y nce la Union Europea unirà fat trëi stazions dla ferata nueves: una tl ridl Kaiserau/Casanova de Bulsan, una pra l spedel de Burnech y una a Vierschach ulache l unirà nce fat n culegamënt cun l raion da jì cun i schi Helm" à dit presidënt dla Provinzia Durnwalder.
A Bulsan ie plu avisa udù dant na stazion cun sosta y n puent de feter 150 metri per n custimënt de 2,08 milion de euro. Pra l spedel de Burnech uelen fé na stazion sciche chëla de Kaiserau, me che tlo iel nce de bujën de spusté la scines. L custimënt udù danora ie de 1,7 milion de euro. Na soma de 2,7 milion de euro ie ududa dant per de plu lëures a Vierschach. La se trata de anjenië na stazion, che te n daunì possa pité n culegamënt strënt cun i purtoies dai schi, nsci sciche l ie unì fat a Percha.
Tl'acurdanza data pro dai assessëures provinziei iel nce n miuramënt dl ncrëusc danter scines y streda a Sigmundskron. "Cun n adatamënt tecnich dëssel tlo unì abinà na soluzion a na maniera che l ne sarà nia plu da aspité tan giut sciche nchinamò" à spiegà Durnwalder tla cunferënza stampa do la Jonta provinziela. Chisc lëures unirà a custé ntëur 900.000 euro.
as
