Atualità
Pruzedures nueves per mudazions al plann urbanistich
USP – La Jonta provinziela lëura te chësc tëmp for inò a inuvazions dla lege urbanistica. Te si senteda da (NCUEI) ai 25 de fauré iel unì fat ora de mudé la pruzedures canche la se trata de mudazions al plann urbanistich chemunel.
Mudazions al plann urbanistich chemunel dëssa unides mandedes ala cumiscion urbanistica dla Provinzia mo dan jì te Cunsëi de Chemun. "La pruposta laureda ora dala Jonta de chemun dëssa n iede unì mandeda ala cumiscion provinziela y pona permò de Cunsëi de Chemun. A chësta maniera possel unì tenì cont dla minonga di tecnics a Bulsan" à dit l presidënt dla Provinzia. La mudazion data pro dal Cunsëi de Chemun dëssa pona unì mandeda diretamënter ala Jonta Provinziela. "A chësta maniera devënta la pruzedura plu scëmpla y la fej nce sparanië tëmp" à dit Luis Durnwalder do la senteda dla Jonta provinziela.
La pruposta de mudazion ala lege provinziela per l'urbanistica dëssa ntan la proscima enes unì data pro dala Jonta provinziela a na maniera da pudëi la dé inant al Cunsëi provinziel mo dan la fin de merz.
as
