Atualità
Plata internet per l program da instà per mutons y jëuni
USP – Sun la plata web www.provinzia.bz.it/ferien iel da abiné de plu prupostes aldò de chëles che mutons y mutans, jëuni y jëunes y families dl Südtirol possa se mëter a jì l instà. L Ufize provinziel per jëuni à metù a jì chësta plata web per pité n grum de nfurmazions y prupostes sun: tëmp liede, ucajions per lauré, viagë y mparé d’instà.
19 ani ala longia iel unì stampà l program per la feries da instà, śën vëniel pità defin tla verscion online. La plates www.provinzia.bz.it/ferien vën atualisedes de pierpul per pité for de plu nfurmazions sun argumënc de tëmp liedes ntan l instà, lëures d'instà y viages y mparé d'instà.
La pert zentrela reverda l gran program de truepa lies y urganisazions ti ciamps dla natura, sanità, sport, cianté, balé, mujiga, computer, durmì tla tenda o tla uties, ancuntedes nternaziuneles, creatività, teater, mer y lec, jì da mont su, jì a crëp, jì de viac o rujenedes.
Per pité n prugram for atualisà, vëniel gën pià do prupostes y minonghes, laudes y critiches al adres e-mail sommerferien@provinz.bz.it. Ai culaburadëures dl proiet "Summer online" ti possel nce unì mandà lëtres y fotos tres posta, scrijan al Ufize provinziel per Jëuni, streda Andreas Hofer 18 a Bulsan.
as
