Atualità
Iscrizions ala scoles de mujiga ntan l mëns de merz
USP – Chi che ulëssa ntan l proscimo ann de scola, 2013/14 mparé a suné n strumënt o fé lezions de cianté, possa ntan l mëns de merz se scrì ite ala scoles de mujiga. La iscrizions tla scoles de mujiga de Gherdëina y dla Val Badia vën tëutes su (da NCUEI, 4 de merz) nchin ai 28 de merz.
La sezion per la scoles de mujiga tudësces y ladines dla Provinzia de Bulsan pieta ntan l mëns de merz la puscibltà de iscrizion per l ann de scola 2013/14. Chëstes vën tëutes su diretamënter tla direzions dla soles de mujiga. La scola de Mujiga de Gherdëina tol su la iscrizion dal lunesc ala juebia dala 9 ala 11 danmesdì y dala 15 ala 17. Nchin che la scola de mujiga ne puderà nia trapiné te si sënta ressaneda, ie la direzion tla cësa de Chemun a Urtijëi, streda Roma 2 (tel. 0471-796858, musikschule.stulrich@schule.suedtirol.it). La Scola de mujiga de Gherdëina pieta per l proscimo ann de scola cater materies de cianté y l nseniamënt de 18 strumënc.
La Scora de musiga dla Val Badia, tol su la iscrizions uni di ntan i orars de ufize. La direzion, tla cësa dla scola mesana da La Ila possen cuntaté tres telefonn al 0471-847748 y tres e.mail (musikschule.stern@schule.suedtirol.it). Tla scora de musiga dla Val Badia vëniel pità trëi pusciblteies per l cianté y l nseniamënt de 14 strumënc.
Per l'iscrizion iel de bujën de avëi pea l codes fischel dl sculé.
Materies tla Scola de Mujiga de Gherdëina
Educazion musichela per mëndri
Cianté - muvimënt - rujené
"Lausbubenchor"
Sing & Swing
Furmazion dla usc
Strumënc a flà: flaut a bech, flaut traviers, oboe, fagot, tlarinet, saxofonn, trumbëta y flicorn, posauna, corn tenor, corn, tuba.
Strumënc a corda: chitara, zitra.
Strumëc a archët: vidula, violoncello.
Strumënc a percuscion
Strumënc a tastatura: tlavier, armonica a butons.
Materies tla Scora de musiga Val Badia
Ćiantè, Cor dla Scora, formaziun dla usc
Stromënc: fabló, chitara, corn, tlarinet, tlavier, oboa, posauna/baritonn, fabló traversal, saxofonn, bateria, orghi da botuns, trombëta, tuba, vidora.
as
