Atualità
Cunsulënza per lies de ulentariat
USP – Ala lies che lëura tl ulentariat ti pieta la Provinzia cunsulënzes sun cuestions de chëutes. Chësc servisc dl Ufize provinziel per cuestions de cabinet vën pità (NCUEI) ai 22 de merz y pona mo trëi iedesc nchin de juni.
Nce la lies de ulentariat muessa tenì ite l dërt fischel. Acioche les se feje plu saurì a se ntupé dainora y se udëi ora ce che si situazion de lia se damanda, vëniel pità cunsulënzes paiedes dala Provinzia. La udienzes che vën pitedes ai 22 de merz, 19 de auril, 31 de mei y ai 21 de juni ie resservedes a lies scrites ite tla lista provinziela dl'urganisazions de ulentariat.
Per la cunsulënza tl Ufize provinziel per cuestions de cabinet, tl palaz Widmann a Bulsan (plaza Silvius Magnago) ne iel nia de bujën de se nuté su danora.
Dumandes sun cuestions de chëutes possa la lies de ulentariat nce unides fates tres telefonn al cumerzialist Peter Gliera cherdan su l 0471-412131.
as
