Atualità
Jonta provinziela ncëria la SIAG de coordiné la rë de comunicazion
USP – Anjenië na rë de culegamënc internet aslune ie me una pert, la va nce de mantenì chësta rë. Sun pruposta dl assessëur Mussner à la Jonta provinziela dant pro de njenè na zentrela de coordinazion per l mantenimënt y funziunamënt dla rë. La ncëira ie unida data ala sozietà de nfurmatica SIAG.
La Provinzia lëura dassënn per slargë la rë de internet aslune te dut l raion provinziel. Nchin ala fin dl 2013 dëssa duc i chemuns vester tachei ite tres fibra otica. Deberieda cun chisc culegamënc uel la Jonta provinziela nce garantì l mantenimënt y funziunamënt de duta la rëies de comunicazion tl Südtirol.
La Jonta provinziela à nciarià la SIAG de vester zentrela per senialazions de problems de culegamënt. Da tlo ora dëssel unì coordinà l mantenimënt ti singuli raions che unirà fat te na culaburazion cun l'Aministrazion provinziela, i chemuns, l'Agenzia de telecomunicazion RAS y la sozieteies de telecomunicazion.
as
