Atualità
Sustëni provinziel per 12 produzions de films
USP – 12 produzions de film unirà sustenides dla Provinzia de Bulsan tl cheder dl program de promozion de films che vën aministrà dala BLS (Business Location Südtirol): chësc ie (NCUEI) ai 02 de auril unì dat pro dala Jonta provinziela.
Di 21 proiec de films che ie chëst ann unì mandei ite, à na cumiscion cris ora 12 produzions che respetea la ntenzion dla promozion de films tl Südtirol. La Provinzia de Bulsan sustën produzions a cundizion che l vën fat registrazions tl raion provinziel, che l film trate cuntenuc dl Südtirol o che l vën dant atëures dl Südtirol. "I produtëures che giapa n sustëni dala Provinzia muessa spënder amanca l 150% dl cuntribut tl Südtirol" à spiegà l presidënt Durnwalder fajan l ejëmpl de l maië y durmì ntan i dis de registrazion, ma nce de anjinies, palcs o costruzions che ie de bujën per tò su l film. Te chëla che la Provinzia dà n sustëni de ndut 2,5 milion de euro, spenderà i produtëures amanca 3,6 milion de euro tl Südtirol. Per chësta produzions iel udù dant 154 dis de registrazion.
Danter i proiec dai pro ie nce n drama storich dal titul "Luis Trenker - Der schmale Grat der Wahrheit", na coproduzion tudëscia-austriaca cun bonamënter i atëures prinzipei Tobias Moretti und Karl Markovics.
Dajan pro la prima pert de finanziamënt à la Jonta provinziela bele segurà mez l budget udù dant chëst ann per la promozion de films tl Südtirol.
as
