Atualità
Dalai Lama ie ruvà a Bulsan – bënunì dl presidënt Durnwalder
USP – Ghest de unëur: puech dan mesa la cater ie (NCUEI) ai 9 d’auril Tenzin Gyatso, l 14esim Dalai Lama ruvà da Minca a Bulsan. Sun l aeroport de Bulsan al giapà l bënunì dal presidënt dla Provinzia Luis Durnwalder, da chël che l giaterà duman l pest dl Südtirol per la mendranzes.
L ie bele l cuarto iede che l Dalai Lama vën tl Südtirol, n raion cun n model d'autonomia che ntan i ultimi ani ie unì studià a puntin dai tibetans tl esil. Chëst iede ne se tratela nia de n viac de studi: "L nes fej plajëi che l Dala Lama nes fej l gran unëur de pië dò persunalmënter l pest dl Südtirol per la mendranzes" à dit l presidënt Durnwalder.
L pest unirà sëurandat (DUMAN) mierculdi dala 9.30 tl palaz Widmann a Bulsan al Dalai Lama, che mëina i tibetans spiritualmënter (y plu da giut nce aministrativamënter). "Chësc pest dëssa vester n pitl sëni de recunescënza dl gran mpëni dl Dalai Lama per i tibetans y per ti fé unëur che l à daniëura cris na soluzion de pesc per l problem dl Tibet" à dit Durnwalder.
De plu fotos sun la plata facebook "Jonta dla Provinzia de Bulsan"
as
Galaria dales fotografies
