Atualità
L film dl’autonomia “stimmen voci ujes” mierculdi pra i dis dl film a Bulsan
40 ani de autonomia te mes’ ëura. Ora de 1500 rodli de films storics amatoriei cun 450 ëura de material video à Federico Campana y Alessandro Bandinelli trat adum l film documenter “stimmen voci ujes” te chël che l vën mustrà su l svilup dl Südtirol ti ultimi dejeneies. Chësc film sarà da udëi (DUMAN) mierculdi, 17 de auril, ntan la sëira de giaurida di dis de film a Bulsan.
L film "stimmen voci ujes" cun pec per talian, tudësch y ladin unirà pra la sëira de giaurida di 27esimi dis dl film de Bulsan, tla streda Streiter, mustrà per l prim iede tl chino. La particularità de chësc film ie che l cheder dla cumenanza dl Südtirol ne vën nia mustrà su cun registrazions fates nstës, ma cun video amatoriei che ie ti dejeneies passei unì fai da privac y che l Ufize provinziel per media audiovisuei à trat adum y archivià. I doi produtëures Campana y Bandinelli à juntà pro ntervistes audio atueles mustran a chësta maniera co che l Südtirol ie deventà da na soma de truepa stories de vita persuneles, a chël che l ie aldidancuei.
N mierculdi giaurirà l film de autonomia deberieda cun "Buumes" y "Perfetto" i dis de film a Bulsan. Chertes de ntreda possa mo unì resservedes cherdan su l 0471 059090. Per duc trëi films uniral nce rujenà cun chëi che i à fai.
L collage de films che prejentà l'autonomia ie nce da giapé debant sun DVD pra l Servisc de comunicazion dla Provinzia. (usp@provinzia.bz.it; 471 412210; palaz Widmann, plaza Silvius-Magnago 1, Bulsan).
Na cërcia de "stimmen voci ujes" giaten sun l canal Youtube "Provinzia de Bulsan"
as
