Atualità
Dis dla rujenedes ai 10 y 11 de mei a Bulsan
I dis dla rujenedes ai 10 y 11 de mei a Bulsan dëssa deventé n festival dla rujenedes y dl plurilinguism. De plu scumenciadives y proiec per mparé rujenedes coordinei dal departimënt dl assessëur Tommasini unirà prejentei tl palaz Campofranco y tl zënter Trevi a Bulsan.
L nteres de pitli y granc, de jëuni y vedli, nfati mpue' de duc vën n vënderdi y sada dl'ena che vën trat sun l mparé la rujenedes. Tramedoi dis vëniel dala 9 danmesdì nchin ala sies da sëira prejentà proiec y scumenciadives te tramedoi lueges dl festival. La scoles talianes prejenterà si proiec deberieda cun la istituzions de furmazion. Chiche uel, possa fé pea na stimulazion de ejam de rujeneda y nce l juech fajerà pert di doi dis dla rujenedes.
"I doi dis nes pieta ucajion de prejenté chël che l ie nchinamò unì fat tla scoles talianes y de cialé inant al daunì" à dit l assessëur Christian Tommasini ntan la cunferënza stampa. La mira de mparé la rujeneda ie per l assessëur de dimenscion plu auta: "savëi la rujenedes ie la basa per se n sté bën te nosta provinzia" à dit l assessëur. Ntan i dis dla rujenedes puderà vijitadëures nstës viver pea mumënc de nseniamënt de scola, canche l vën nce nsenià conc o geografia tl'autra rujeneda o sce l vën liet n pez de Shakespare tla rujeneda uriginela. La vela de prupostes per i granc ne dëssa nia resté sun na pert: tlo se tratela suvënz nce me de lascé pro, che chëi che uel mparé la rujeneda, possa l'adurvé.
"Cun duta chësta scumenciadives cialons de bater ju la sief che trueps ne se resieia nia de passé, per adurvé la segonda rujeneda o la rujeneda fulestiera" à dit Tommasini. Per chësta rejon ie la manifestazion dantaprima penseda per families: "ala fin di conc iel la familia che juda a se dediché al'autra rujeneda y chësc ie elemënt de fundamënta per fé su na scola y na cumenanza plurilinguistica" à dit Tommasini. (USP)
as
Galaria dales fotografies
