Atualità
Ai 22 de mei vijita al cantier dl spedel nuef a Bulsan
Tl raion de Moritzing a Bulsan vëniel frabicà n spedel nuef. Per udëi co che va inant i lëures vijitea l presidënt dla Provinzia Durnwalder cun i assessëures Florian Mussner y Richard Theiner n mierculdi ai 22 de mei l cantier.
Daujin al spedel de Bulsan che ie bele, vëniel laurà dassënn per n spedel nuef. L deventerà la pert zentrela dla mudernisazion dl spedel de Bulsan che tres restruturazion y ngrandimënt dëssa se adaté mo miec ai bujëns di pazienc y di culaburadëures. Leprò vën la strutura de sanità prinzipela dla provinzia adateda al bujëns modernes dla medejina.
N cheder de co che va inant i lëures se fajerà i respunsabli politics nstës. L presidënt dla Provinzia Durnwalder, l assessëur ai lëures publics Florian Mussner y l assessëur ala sanità Richard Theiner vijitea
n mierculdi, 22 de mei
dala 10.30 l cantier dl spedel de Bulsan
I culaburadëures di media ie nviei ala vijita dl cantier y de fé al savëi co che va inant i lëures.
as
