Atualità
Sustëni a sculeies dla scoles ladines - sëurandata di diploms ai 24 de mei
L problem di destubs tl mparé y mëter a verda se lascia for plu sentì nce tla scoles ladines. Per ti jì ancontra a chësc problem di sculeies à l Servisc de cunsulënza y ntegrazion tenì na spezialisazion de trëi ani. N vënderdi 24 de mei uniral a Sarns sëurandat diploms a 25 nsenianc dla scoles ladines.
Da canche i destubrs dl mparé y mëter a verda vën plu tematisei y da canche tla scoles iesen mo plu cusciënc de chisc problems, vëniel nce cialà de ti jì permez. Cun l'idea de crië esperc per uni scola ti luesc ladins che fej nce da multiplicatores per i autri nsenianc, à l Servisc de cunsulënza y ntegrazion tenì n curs de spezialisazion. 25 nsenianc de Gherdëina y dla val Badia se à te tëmp de trëi ani dat jù cun la problematica te belau 100 ëura de furmazion. L ie unì tenì referac y uniteies de lëur cun esperc da oradecà y nce internes, dla Ntendënza ladina. A chësta maniera iel stat na furmazion te trëi rujenedes.
Per stlù ju la furmazion à uni nseniant fat n lëur finel. "Duc chisc 25 lëures sarà nce de utl canche i esperc nueves dajerà inant si savëi sun chësta problematica ai cumpanies nsenianc te si scola" spiega la coordinadëura Carla Comploj. I nsenianc che à fat pea lëura te duc i livei de scola, dala scolina nchin ala scola auta.
La spezialisazion sun i destubs tl mparé y mëter a verda fina via n vënderdi ai 24 de mei tl zënter de furmazion St. Georg a Sarns (Persenon). Dala 14.15 tenirà Raffaele Ciambrone n referat sun la nuviteies dl'ultima ndicazions. Dala 16.00 sëurandarà l ntendënt Roland Verra y l ispetëura per cunsulënza y ntegrazion Carla Comploj i diploms ai 25 esperc nueves. (USP)
25 nsenianc spezialisei sun destubs tl mparé y mëter a verda
Elzenbaumer Monika, Scolina Salieta Urtijëi
Feichter Anita, Scora La Val
Insam Ester Scolina, Runcadic
Lobis Cristine, Scolina Scurcià Urtijëi
Perathoner Natalie, Scolina Sëlva
Ties Barbara, SE Al Plan
Castlunger Walter, SM Al Plan
Mühlmann Annemarie, SE Al Plan
Feichter Milena, SE Al Plan
Clara Elisabeth, SM La Ila
Clara Sara, SE Corvara
Bernardi Michaela, SM Sëlva
Goller Anita, SM Sëlva
Insam Monika, SM Sëlva
Mussner Mirka, SE Sëlva
Perathoner Demetz Heidi, SE S. Crestina
Klöcker Claudia, SE Urtijëi
Perathoner Stefanie, SE Urtijëi
Vinatzer Sabine, SE Urtijëi
Zardo Alessandra, SM Urtijëi
Malsiner Martina, Lizeum d'Ert
Moroder Renate, Lizeum d'Ert
Silgoner Karl, Lizeum d'Ert
Messner Michaela, ITE Urtijëi
Wanker Christine, ITE Urtijëi
---
I culaburadëures di media ie nviei ala sëurandata y de fé al savëi de chësta furmazion.
as
