Atualità
Surandada di archifs nüs tl Museum Ladin ai 31 de mà
USP - I archifs nüs tl Museum Ladin Ćiastel de Tor a San Martin de Tor vëgn surandà ofizialmënter dal Presidënt dla Provinzia Luis Durnwalder y dal assessur provinzial Florian Mussner ai 31 de mà.
Le Museum Ladin Ćiastel de Tor mostra la storia di passa 30.000 ladins dles Dolomites; süa identité vëgn caraterisada da dui elemënć importanć: le lingaz ladin y la contrada da munt straordinara dles Dolomites.
Le Museum ne mostra nia ma sö la storia y le lingaz di ladins, mo inće la cultura, le monn dles liëndes, l'archeologia, la geologia, sciöche inće le turism y l'artejanat dla Ladinia. Tröpes mostres speziales ampliëia chësta vijiun. Por mëte ia i ogeć d'esposiziun por les mostres à le Museum Ladin ciafè śëgn archifs nüs. I archifs nüs vëgn surandà ofizialmënter dal Presidënt dla Provinzia Luis Durnwalder y dal assessur provinzial Florian Mussner ai 31 de mà.
I media é dër bel invià da tó pert ala surandada di archifs
en vëndres, ai 31 de mà dl 2013, dales 18
tl Museum Ladin Ćiastel de Tor,
a San Martin de Tor, tla Val Badia
y da informè sön chësc avenimënt.
USP
