Atualità
Uneranza d’or per Durnwalder a Viena
L presidënt dla Provinzia Luis Durnwalder à (NCUEI) ai 12 de juni pià do la gran uneranza d’or dl Land Wien. Chësta uneranza “cun stëila” ti ie unida sëurandata dal presidënt dl Land Wien Michael Häupl a Viena.
La sala cuecena dla cësa de chemun de Viena à pità l palch per la sëurandata zeremoniela dla uneranza al presidënt dla Provinzia Durnwalder. L se trata de na uneranza - nscì Häupl te si laudatio - nia me per la bona culaburazion y per i bon raporc de viers de Viena, ma dantaprima ajache Durnwalder à abù gran mpëni per la pesc y la valivanza a livel europeich. L presidënt dla Provinzia de Bulsan se à sentì unerà per l'uneranza sorissan che l l'à pieda do a inuem de duc i zitadins dl Sudtirol. Te chësta ucajion al rengrazià la zità y l Land Wien per si sustëni che i à daniëura dat al Sudtirol. "Viena nes à judà - nsci sciche nce i autri Bundesländer - te tëmps che ne fan mo nia boni de nes judé nstësc" à dit l presidënt lecurdan l sustëni culturel, la lueges de studi cun albierch y la borses per studënc dl Sudtirol.
La sëira dan la sëurandata ie Durnwalder stat ghest dla presidënta dl Nationalrat Barbara Prammer pra la manifestazions "Alles Tirol?" tl Parlamënt a Viena. Tlo se ala tratà dl svilup dla singula pertes dl Tirol y dl'Euregio dal 1992, canche l fova unì finà via l stritoz danter l'Austria y la Talia per via dl Sudtirol. (USP)
as
Galaria dales fotografies
