Atualità
Museum Ladin: Curs de ladin por prinzipianć
Le Museum Ladin Ćiastel de Tor mët a jì deboriada cun l’Istitut Ladin Micurà de Rü a San Martin de Tor n curs de ladin por prinzipianć, vigni vëndres dai 5 de lugio ai 30 d’agost.
Pro chisc cursc de ladin vëgnel portè dant les fondamëntes y le svilup dl lingaz ladin tres jüć y conversaziun. Les porsones che tol pert al curs à tl medemo tëmp la poscibilité da imparè a conësce la storia y la cultura dles valades ladines y po spo dedô inće jì a ti ćiarè al Museum Ladin.
I cursc de ladin por prinzipianć gnarà tignis vigni vëndres dai 5 de lugio ćina ai 30 d'agost (ater co nia ai 16 d'agost) dales 10.30 ales 12.00 tl Museum Ladin Ćiastel de Tor a San Martin de Tor. Le Museum mët a jì chisc cursc deboriada cun l'Istitut Ladin Micurà de Rü.
Por tó pert al curs él da paié 5 euro, sc'an ô inće jì a ti ćiarè al Museum Ladin cóstel 10 euro. Che che à interès po se prenotè tl Museum Ladin al numer de telefonn 0474 524020.
De lugio y d'agost é le Museum Ladin Ćiastel de Tor davert dal lönesc ala sabeda dales 10.00 ales 18.00 y la domënia dales 14.00 ales 18.00.
De plü informaziuns ciafëise tl Museum Ladin Ćiastel de Tor, Str. Tor 65, San Martin de Tor (numer de telefonn: 0474 524020) y sön internet sot a www.museumladin.it.
usp
Galaria dales fotografies
