Atualità
Lunesc 8 de lugio: deguna cunferënza stampa dla Jonta provinziela
Davia che n lunesc uniral te Cunsëi provinziel bele metù man la descuscion dla lege urbanistica, se anconta la Jonta provinziela ai 8 de lugio per na senteda plu curta. La tradiziunela cunferënza stampa dl presidënt Durnwalder do la senteda ne unirà nia fata.
La Jonta provinziela ne se ancunterà n lunesc nia sciche zënza dala 08.00 ala 12.30, ma me nchin la 10.00 danmesdì. La senteda vën scurteda davia che dala 10.00 ie unì cherdà ite l Cunsëi provinziel (mpede de merdi) per scumencé la descuscion sun la pruposta dla mudazion dla lege urbanistica, purteda ie dala Jonta provinziela.
Davia che la senteda dla Jonta provinziela fina bele plu abenëura, ne uniral nia tenì la cunferënza stampa dl presidënt dla Provinzia da mesdì. La dezijions dla Jonta unirà fates al savëi tres l ufize stampa dla Provinzia.
as
