Atualità
Internet aslöm tla Val Badia: ai 6 d'agost ativaziun dla zentrala a Al Plan
I laûrs por portè l'internet aslöm tla Val Badia va inant: la Provinzia se crüzia da arjigné ca la rëi ćina ti paîsc, i comuns laôra fora masterplanns por la destribuziun ti paîsc, tratan che la Telecom y la RAS modernisëia les zentrales. En mertesc ai 6 d'agost gnaràl ativé la zentrala d'Al Plan de Mareo cun l'assessur Florian Mussner.
Arjigné i coliamënć dl internet aslöm por la Val Badia é öna dles prioritês dla Junta provinziala. L'assessorat por i laûrs publics y la RAS à bele condüt l'internet aslöm ćina a Al Plan de Mareo. Do che la Telecom à modernisé la zentrala, te ćiasa de comun, podarà chësta gnì ativada.
Chësc travert important por döt Mareo gnarà portè a contlujiun en
mertesc, ai 6 d'agost dl 2013
dales 11.00
pro la ćiasa de comuna Al Plan de Mareo
dal assessur provinzial Florian Mussner.
Les colaboradësses y i colaboradus di media é dër bel invià al'ativaziun dla zentrala y a cuntè de chësc avenimënt.
usp
