Atualità
650 agn Tirol pro l’Austria: cunferënza tla Tessmann
Dan da 650 agn él gnü surandè la contea dl Tirol ai Habsburg. Por chësta ocajiun inviëia la Biblioteca provinziala Teßmann adöm cun l’Archif provinzial dl Südtirol, le Tiroler Geschichtsverein/Seziun da Balsan y l’Academia dles sciënzes austriaca a na sëra de referać, en mercui ai 25 de setëmber dl 2013.
Gustav Pfeifer dl Archif provinzial dl Südtirol referësc sön le tema „1363 und der Tiroler Landesadel. Versuch eines Perspektivenwechels". Alfons Huber à influenzè cun süa opera dl 1864 „Geschichte der Vereinigung Tirols mit Oesterreich" nosta idea sön le rode dla nobilté dl Tirol incër le 1363 sciöche aversar dl sovrann fissé sön sü interesc. Mo pordërt àl dominé tl raport danter prinz y nobilté momënć de colaboraziun y consëns.
Josef Riedmann, professur emerité de Storia, baia de „Die Originalurkunden der Tiroler Landesfürstin Margarete für die österreichischen Herzoge vom 26. Jänner 1363". Dla desposiziun dla grofa dl Tirol, cun chëra che al vëgn metü i düches d'Austria sciöche arpadus, ajuntan insciö la contea dl Tirol al complès de raiuns di Habsburg, él gnü arjigné ca trëi verjiuns originales. Por ći che reverda le contignü él ma desfarënzies minimales ti trëi documënć. I documënć instësc é indere dër desvalis y conzed da dì tröp sön sciöche ai é gnüs arjignà ca.
La sëra de referać, en mercui ai 25 de setëmber dl 2013, scomëncia dales ot da sëra tla Biblioteca Provinziala Teßmann, str. A.-Diaz 8, a Balsan.
usp
Galaria dales fotografies
