Atualità
Lites provinzieles: Nchin ala 11.00 ie jic a lité l 22,4 percënt
83.388 ie ncuei danmesdi, nchin la 11.00, stai a dé ju si usc per la lites provinzieles 2013. Chësc fej ora l 22,4 percënt de chëi che ie cherdei a lité y a chësta maniera 0,8 ponc de manco perez a dan cin ani. Ti chemuns ladins à nchinamò lità l 23,6 percënt.
Dan cin ani fova 23,1 percënt di litadëures stai a lité nchin la 11.00 danmesdì, chëst ann nen iel stat 22,4 che ie 0,8 ponc de manco.
Cumpedan adum i chemuns ladins, ruven sun na perzentuela de 23, 6 che ie jic a lité. Dan cin ani fovel dala medema ëura stat 24,2 percënt, chëst iede iel dala 11 danmesdì 0,6 ponc de manco.
Di ot chemus ladins, ie i litadëures de La Val stai i plu lezitënc nchin ala 11.00 danmesdì, cun n’affluënza de 26,2 percënt. Nchin a chëst’ëura ie i litadëures de Sëlva stai i manco lezitënc dla Ladina cun na perzentuela de 20,2.
Di majeri chemuns dl Sudtirol iel nchin la 11 danmesdì a Bulsan 19,6 percënt jic a lité (2008: 21,8 percënt), a Maran 20,2 percënt (21,3 percënt), a Persenon 23,2 percënt (22,6 percënt), a Burnech 26,4 percënt (25 Prozent) y a Leifers 17,2 percënt (18,6 percënt).
La cumpëides de tanc che ie jic a lité, chemun per chemun, possen udëi tla Rë zivica de Sudtirol, sun la plata lites.provinzia.bz.it. Per l prim iede iel nce unì anjenià na sezion che mostra su la soma di chemuns ladins.
Sun la medema plata web puderan duman lunesc udëi co che ruva ite, man man, i resultac dla 488 sëntes de vela. Nuviteies sëuraprò vën nce fates al savëi tres facebook (landtagswahlen.2013.elezioniprovinciali) y twitter (@stwahl13; #st13).
as
