Atualità
I chemuns ladins à finà de cumpedé ora la ujes de lista
La ujes de lista per la Lites provinzieles de Bulsan ie ti luesc ladins cumpededes ora. Te chisc ot chemuns ladins ie la Südtiroler Volkspartei unida liteda cun l 59,8 percënt, dan “Die Freiheitlichen” cun 15,5 percënt y la lianza “Bürger Union-Ladins Dolomites-Wir Südtiroler“ cun 10,1 percënt. Tan de reprejentanc che uni grupa giapa tl Cunsëi provinziel nuef savran permò canche la zedules de vela de duta la provinzia sarà cumpededes ora.
La Südtiroler Volkspartei à ti ot chemuns ladins giapà 6788 ujes de lista che fej ora l 59,8 percënt. Segondo partit plu lità danter Gherdëina y la val Badia ie "Die Freiheitlichen" cun 1763 ujes y l 15,5 percënt. Terza forza liteda ti chemuns ladins ie la lianza "Bürger Union-Ladins Dolomites-Wir Südtiroler" cun 1146stimes y 10,1 percënt.
Paredlan i resultac dla lites dan cin ani, à la SVP perdù 1,5 ponc de percënt ti chemuns ladins, "Die Freiheitlichen" à davanià l 8,2 ponc de percënt y la lianza "Bürger Union-Ladins Dolomites-Wir Südtiroler" à arjont 8,8 ponc de percënt demanco permez al 2008 canche "Ladins Dolomites" ova candidà dassëula.
Duc i resultac dla Lites dl Cunsëi provinizel de Bulsan possen udëi sun tla Rë zivica dl Südtirol, sun la plates http://lites.provinzia.bz.it. Per l prim iede vëniel nce prejentà na categuria che reporta i chemuns ladins.
as
