Atualità
Gherdëina: La rë dla telecomunicazions provinziela crësc
USP - Nce te Gherdëina vëniel laurà inant per slargë ora la rë dla telecomunicazions provinziela. Tl Ufize Cuestions aministratives dla Repartizion provinziela Frabiches y servisc tecnich ie inier (merdi, ai 19 de nuvëmber) unit dat ora ncëries di lëures per mëter ju la cundotes danter Urtijëi y Sëlva.
I lëures per mëter ju la cundotes danter Urtijëi y Sëlva unirà ti proscimi tëmps fac da pert dla firma de costruzion Globalbau GmbH sun ncëria dla provinzia. La firma se à segurà la ncëria cun na ufierta de 271.000 euro pra na spëisa scrita ora de ndut 351.000 euro, che stluj ite i cosć per la segurëza de 12.800 euro. De ndut à set firmes de costruzion presentà na ufierta tl cheder dla pruzedura per la sëurandata dla ncëries dejëuta dala provinzia. L tëmp dla dureda di lëures ie unit dat dant tl cuncors cun 60 dis dala sëurandata dla ncëria.usp
