Atualità
I museums provinziai ladins deura ai 26 de dezëmber
OSP - I dui museums provinziai ladins é indô daverć da en jöbia, ai 26 de dezëmber inant. Le Museum Ladin Ciastel de Tor a San Martin de Tor informëia sön la storia y la cultura di ladins y tl Museum Ladin Ursus ladinicus impàron da conësce le monn dla laûrs di andri y la storia dles origines dles Dolomites.
Le Museum Ladin Ćiastel de Tor a St. Martin de Tor y le Museum Ladin Ursus ladinicus a San Ćiascian é dai 26 de dezëmber inant indô daverć al publich cun orars de daurida particolars por le tëmp da Nadè. Ćina ai 6 de jenà dl 2014 é i museums daverć vigni dé dales 15.00 ales 19.00. Dai 7 de jenà dl 2014 ćina Pasca ési daverć jöbia, vëndres y sabeda dales 15.00 ales 19.00.
Chisc orars de daurida é aposta por ti pité a che che va cun i schi la poscibilité da pratiché sport ia por le dé y spo da jì a ti ćiarè ai museums da sëra y colié insciö le sport da d'invern cun la cultura.
An po jì a ti ćiarè ai dui museums ladins cun öna na cherta: che che cumpra na cherta d'entrada te un di dui museums po jì a ti ćiarè al ater debann ti proscimi chinesc dé.
La plata internet di museums http://www.museumladin.it/ pîta dötes les informaziuns che va debojëgn por jì a ti ćiarè n museum y implü pon inće fà na roda virtuala fora por trami i museums.
De plü informaziuns ciàfon tl Museum Ladin Ćiastel de Tor, strada Tor 65, a San Martin de Tor (numer de telefonn: 0474 524020) y sön internet sot a http://www.museumladin.it/.OSP
