Atualità
Scora ladina: iscriziuns tles gradatöres ćina ai 19 de forà
USP - Le diretur de Repartiziun Alexander Prinoth lascia alsavëi che che ô se scrì ite tles gradatöres dles scores y dla provinzia dles scores ladines por l’ann de scora 2014/2015 po fà domanda ćina ai 19 de forà.
Les domandes d'iscriziun tles gradatöres é da dè jö ćina ai 19 de forà dl 2014 (dales 12:00) tl'Intendënza ladina, Bindergasse 29 a Balsan. Chësc terminn vel inće por se fà calcolè danü i punć, mudé le titul d'azès y l'iscriziun cun resserva.
Les domandes po gnì ortiades cun lëtra racomanada cun avis de racoiüda. Te chësc caje vel la data dl stempl dla posta. Implü po les domandes gnì dades jö personalmënter ćina les 12.00 di 19 de forà dl 2014 tl'Intendënza ladina. Te chësc caje vel le stempl dl'Intendënza ladina sciöche proa che al é gnü dè jö la domanda denant che le terminn tomass.
Les indicaziuns por laurè fora les gradatöres é gnüdes dades dant dala junta provinziala ai 27 de dezëmber dl 2013 cun deliberaziun n. 1985. Les gradatöres temporanes nöies vëgn publicades a mez mà.
De plü informaziuns é da ciafè tl'Intendënza ladina pro Carla Pedevilla por les scores elementares (Tel. 0471 417015) y Elisabetta Rindler por les scores mesanes y altes (Tel. 0471 417018).
USP
