Atualità
Surandada di laûrs dla strada y dl marciapîsc a Pidrô ai 7 de mà
En mercui, ai 7 de mà dl 2014, gnaral surandè i laûrs por le deslariamënt dla strada provinziala SP 60 tla localitè Pidrô che porta ćina sö La Val
La sistemaziun dla strada provinziala SP 60, che porta da Pidrô ćina sö La Val, mëtarà man dal chilometer 0,000 a Pidrô y portarà ćina al chilometer 0,424. Al é preodü le deslariamënt dla strada y deperpo inće la costruziun de n marciapîsc nü. La strada gnarà insciö leria sura i 6 metri, le marciapisc sarà deperpo lerch 1,5 metri. Implü gnaral inće fat sö danü l´punt sön strada, che ara na lunghëza nöia de circa 17 metri. I laûrs sön strada dararà indöt 350 dis. An podarà passè tres sön öna na pert dla strada cun la prezedënza alternanta.
Gustavo Mischì, diretur dla repartiziun dles infrastrotöres dla Provinzia de Balsan, spliga che al n'é preodü degun intervënt sön la strada statala SS 244 dla Val Badia. L´assessur provinzial di laûrs publics, Christian Tommasini, à anunziè che l`inćiaria por la realisaziun di laurs é gnüda assegnada a na dita dl post. Le concurs por l´inćiaria é gnü insciö atribuì ala dita "Ploner" da Burnech por na spëisa totala de 1.275.489 euro.rc
Galaria dales fotografies
La strada provinziala SP 60 a Pidrô gnarà fata plü leria
