Atualità
Strada statala dla Val Gherdëna: ampliamënt dla strada tl comun de Laion
USP - L´autorisaziun por l´ampliamënt dla strada statala dla Val Gherdëna S.S. 242 é ofizialmënter gnüda surandada ai 5 de mà y insciö à i laûrs podü mëte man. L´cost complessif di laûrs é de 766 mile euro.
Le tòch de strada che vëgn amplié é da ćiafè tra l´chilometer 2+985 y l´chilometer 3+400 dla strada statala dla Val Gherdëna tl comun de Laion, tl post olache la strada devënta tres plü strënta. Por l´assessur ai laurs publichs él l´ampliamënt dla strada nezessar por podëi garantì la segurëza di ciafers y autisć inće tl dagnì.
Inplü gnaral fat sö en mür de sostëgn por la strada de 170 metri tra l´chilometer 3+230 y l´chilometer 3+400. I cosć por la realisaziun dl´opera é de 766 mile euro. La dita "Oberosler SF s.r.l." de Balsan à ćiafè l´inćiaria por realisé i laûrs. Le completamënt dl´ampliamënt è preodü alplü tert te cinch mëisc, mo bunamënter saràl i laûrs rovà inće te trëi mëisc, deach al é gnü damanè la sarada completa dla strada S.S.242 dal 5 de mà inant.
rc
