Atualità
La natöra coliëia: Porsones migrantes esplorëia la natöra
USP - Aladô dl moto “la natöra coliëia” organisëia l’Ofize dl laûr por y cun la jonëza en colaboraziun cun la staziun forestala da Maran y le VKE spazirades ti bosć por porsones migrantes.
Por podëi se sintì deplü da ćiasa y por conësce damì la bela natöra dl Südtirol à i organisadus dla scomenciadia "la natöra coliëia" invié porsones che vir tl Südtirol y che vëgn da foradecà a tó pert a spazirades sön la munt de Naturns. Le pinsier dla scomenciadia é chël che imparè da conësce la belëza dla contrada y dla natöra dl Südtirol ô dì avëi la poscibilité da se sintì deplü a ćiasa. Tratan la fin dl'edema da denant à insciö tut pert ales spazirades fora por i bosć dla Val Venosta n grup de porsones che vëgn dal Afghanistan, dal Marocco, dala Tunesia y dala Romania. Le verdabosch Laurin Mayer à acompagné le grup de indöt 28 partezipanć ia por le dé: sön le program êl do na roda cun la furnadoia n'escurjiun sön n tru de bosch. Tratan la spazirada à Mayer inće informè le grup sön l'economia forestala, les regoles de comportamënt y i tiers che vir te bosch. L´incuntada é gnüda abelida da n picnich y da jüć por pici y gragn. Tl mëis de setëmber él preodü d'atres döes spazirades tres tl contest "la natöra coliëia".
rc
Galaria dales fotografies
