Atualità
Schuler indoman a Roma – La presentaziun dl raport nü é gnüda spostada
USP - Deache l'assessur por l'agricoltöra Arnold Schuler sarà indoman, jöbia ai 5 de jügn, a Roma por tó pert ala conferënza regionala sön l'agricoltöra, mëss la presentaziun dl raport nü sön l'agricoltöra y l'economia forestala gnì spostada.
L'assessur por l'agricoltöra Arnold Schuler partezipëia atualmënter a de plü incuntades a Roma, olache al vëgn stabilì danter l'ater sciöche i finanziamënć da pert dla politica agraria dla Uniun Europeica (UE) vëgn partis sö danter les Regiuns por i proscimi sis agn. Do che l'edema da denant él gnü ciafè n consens general por ći che reverda la pert finanziara, se tràtara śëgn da laurè fora i details dla pert tecnica, sciöche por ejëmpl la definiziun de paur.
Deache al é gnü fissé inće na incuntada por indoman, jöbia, mëss la conferënza stampa sura le raport nü sön l'agricoltöra y l'economia forestala gnì spostada a na data ćiamò da definì.
rc
