Atualità
Svilup dla popolaziun ćina le 2030: Le stüde ASTAT gnarà presentè ai 11/06
USP - Tan tröc abitanć saràl pa tl Südtirol tl 2030? Co ćiararà pa fora dailò la popolaziun? Y cares sarà pa les conseguënzes dl svilup dla popolaziun? A chëstes domandes ti é jü do l’Ofize por les statistiches dl ASTAT te n stüde, che gnarà presentè en mercui, ai 11 de jügn a Balsan.
Por podëi respogne damì ales sfidades dl dagnì él important da savëi te ći direziun che le svilup dla popolaziun va. Sciöche chësc svilup podess ćiarè fora y sciöche la popolaziun dl Südtirol podess se mudé ćina le 2030 à l'Astat porvè da calcolè fora tres n stüde adoran calcolaziuns statistiches. Insciö n'él nia ma gnü mosoré le mudamënt dl numer di abitanć, mo inće la strotöra dla sozieté y al é inće gnü porvè da analisé le significat de chisc fenomenns por le dagnì de nosta sozieté.
Les dinamiches y i resultać dl stüde ASTAT sön le svilup dla popolaziun ćina le 2030 gnarà presentè
en mercui, ai 11 de jügn
dales 10
tl Auditorium dl Palaz provinzial 12
strada Kanonikus-Michael-Gamper 1
Balsan
adöm cun la direturia dl Astat, Johanna Plasinger y Walter Oberhofer dla Université de Regensburg, che presentarà te chësta ocajiun inće la metoda dles calcolaziuns statistiches.
rc
