Atualità
Descurì le monn dles laûrs di andri adöm cun le Museum Ladin
Le Museum Ladin Ursus ladinicus a San Ćiascian y l'Ofize Parcs naturai pîta dai 26 de jügn ćina ai 18 de setëmber dl 2014 vigni jöbia na jita acompagnada ćina sö dal ander de Conturines, olache an à ciafè dl 1987 i resć dla laûrs di andri Urus ladinicus. Dai 3 de lugio ćina ai 28 d'agost vara inće da jì a ti ćiarè vigni jöbia domisdé al museum dles laûrs cun n espert.
D'isté dl 2014 pîta le Museum Ladin Ursus ladinicus a San Ćiascian y l'Ofize Parcs naturai vigni edema döes ocajiuns particolares por imparè da conësce damì l' Ursus ladinicus che viô dan da 40.000 agn, so monn y le museum.
Dai 26 de jügn ai 18 de setëmber vëgnel metü da jì vigni jöbia danmisdé na jita acompagnada de set ores cun les colaboradësses y i colaboradus di parcs naturai al ander de Conturines a 2.800 metri d'altëza, olache an à ciafè dl 1987 tröc osc dla laûrs dl ander Ursus ladinicus. Le punt d'incuntada por la jita, da n livel alt de dificolté, é la Capanna Alpina (1.726 m) dales 08:30; an röia zoruch dales cater domisdé ca.
Tres de de jöbia pîta le Museum Ladin Ursus ladinicus dai 3 de lugio ćina ai 28 d'agost domisdé dales 16 ales 17 na vijita acompagnada dl museum por todësch, y dales 17 ales 18 por talian cun n espert che spliga le monn dla laûrs di andri, söes particolaritês y sü socrëć. Implü vëgnel inće splighé i aspeć plü importanć dla geologia dles Dolomites y dl'eté dles dlaciaziuns.
Por la jita acompagnada mësson se prenotè pro les assoziaziuns turistiches dla Val Badia. La jita costa 7 euro; adöm cun la vijita tl museum domisdé cin euro.
La vijita tl Museum Ladin Ursus ladinicus costa indere diesc euro y an mëss se prenotè tl Museum Ladin al numer de telefonn 0474 52 40 20. Cun la medema cherta vara inće da jì a ti ćiarè al Museum Ladin Ćiastel de Tor.
De plü informaziuns ciàfon tl Museum Ladin Ćiastel de Tor, Strada Tor 65, San Martin de Tor, Tel. 0474 52 40 20 y sön internet sot www.museumladin.it/la.
USP
Galaria dales fotografies
