Atualità
I libri cun i orars dl trasport publich por l’isté pon ciafè da indoman
Da indoman, mertesc ai 24 de jügn, él poscibl da ciafè i libri nüs cun i orars di mesi dl trasport publich por l’isté y l’altonn 2014. „I libri cun i orars publics é la basa por l’organisaziun dl trasport publich y vëgn anuzà tres ion da tröć passajiers”, spliga l’assessur por la mobilité Florian Mussner.
Da indoman, mertesc ai 24 de jügn, él poscibl da ciafè i libri nüs cun i orars di mesi dl trasport publich por l’isté y l’altonn 2014. „I libri cun i orars publics é la basa por l’organisaziun dl trasport publich y vëgn anuzà tres ion da tröć passajiers”, spliga l’assessur por la mobilité Florian Mussner.
I libri cun i orars dl trasport publich vëgn metüs adöm dal’Agenzia por la mobilité y dal Departimënt Mobilité dui iadi al’ann. Dl’ediziun atuala nen él gnü stampè indöt 70.000 ejemplars. „Cun l’integraziun de düć i dać dl trasport publich unse podü amplié les informaziuns cun les trates y lignes de colegamënt tres la ferata y les corieres”, spliga l’assessur Mussner. Les trates plü anuzades é insciö gnüdes integrades cun les lignes de colegamënt dles ferates y dles corieres. Implü él inće gnü otimisé la chirida sön internet y amplié l’oferta por le zitadin cun l’app nöia “Südtirol ToGo”.
Deache chëstes mudaziuns à portè para na picia intardiada dla publicaziun di libri damana l’assessur por la mobilité Florian Mussner comprenjiun da pert di zitadins. Implü él preodü tl dagnì che les mudaziuns di orars di mesi dl trasport publich podarà ma plü gnì fates ćina dui mëisc dan la publicaziun (n iade de jügn y n iade de dezëmber), insciö Mussner.
Cun les integraziuns tecniches nöies y le mudamënt dla software pol ester che n valgönes informaziuns ne sides nia daldöt coretes; sce ara ess da ester insciö vëgnel perié bel da le segnalè por mudamënć a: info@mobilitaetsagentur.bz.it o info@agenzia-mobilita.bz.it
rc
