Atualità
Museum Ladin: jita acompagnada sön le tru geologich de Bula te Gherdëna
Le Museum Ladin y l’assoziaziun turistica de Urtijëi te Gherdëna organisëia vigni vëndres domisdé dai 4 de lugio ai 29 d’agost (ater co ai 15 d’agost nia) na jita acompagnada sön le tru geologich de Bula, olache an vëiga te pera la gran möria dan da 252 miliuns de agn.
Sön le tru geologich de Bula te Gherdëna (Geotrail Bula) vëgnel documentè la plü gran möria apêr dl limit permian-trassich (dan da 252 milliuns de agn) . Le paleontologh Herwig Prinoth acompagnëia tratan la jita sön le tru geologich, spliga i prozesc geologigs che à portè pro ala formaziun dles Dolomites y dà informaziuns sön i func de pera y les pedies fossiles.
L’odüda sön Gherdëna, Resciesa, Secëda y les Odles iadedô pîta n beliscimo panorama.
Les jites acompagnades sön le Geotrail de Bula vëgn pitades dal Museum Ladin vigni vëndres dai 4 de lugio ai 29 d’agost (ater co ai 15 d‘agost). An s’incunta pro l’assoziaziun turistica de Urtijëi dales trëi domisdé y vëgn zoruch incër les sis da sëra.
La partezipaziun ala jita acompagnada costa 15 euro, an mëss se anunzié pro l’assoziaziun turistica de Urtijëi sot le numer de telefonn 0471 77 76 00.
De plü informaziuns é da ciafè tl Museum Ladin Ćiastel de Tor, Strada Tor 65, 39030 San Martin de Tor, tel. 0474 52 40 20 y sön internet sot www.museumladin.it y tl’assoziaziun turistica de Urtijëi, Strada Rezia 1, tel. 0471 777600, www.valgardena.it.
USP
