Atualità
Fin dl ann de scora: Conferënza stampa di trëi assessurs y intendënć
L’ann scolastich 2013/2014 se röia śëgn inće por düć chi scolars che à albü i ejams finai dles scores mesanes y altes. L’assessur por la scora ladina Florian Mussner presenterà ai 11/07 te na conferënza stampa le bilanz final dl ann de scora 2013/14 adöm cun i dui assessurs Philipp Achammer (scora todëscia) y Christian Tommasini (scora taliana).
Tratan la conferënza stampa gnaràl presentè i resultać di ejams finai dles scores altes y mesanes sciöche inće le bilanz final dl ann scolastich apëna rové. Adöm ai trëi assessurs provinziai por le scores, Florian Mussner (scora ladina), Philipp Achammer (scora todëscia) y Christian Tommasini (scora taliana) saràl inće presënt i trëi intendënć dles respetives scores, Roland Verra, Peter Höllrigl y Nicoletta Minnei.
Por le pröm iade gnaràl inće presentè chësc ann tratan la conferënza stampa finala i resultać di ejams dles scores profescionales por l’agricoltöra y l’economia y por l'economia de ćiasa y l'alimentaziun y la scora forestala. La conferënza stampa gnarà tignida en
vëndres, ai 11 de lugio 2014,
dales 9.30
tla curt interna dl Palaz Widmann
plaza Silvius Magnago 1
Balsan
Düć i media é dër bel invià a tó pert.
Informaziun: I trëi assessurs tolarà pert ala conferënza stampa ćina les 10, canche la sentada dl Consëi provinzial mët man.
rc
