Atualità
Invit: Tornê de hockey interladin dles scores mesanes ai 20/03 a Corvara
Al é ormai na bela tradiziun interladina le tornê de hockey por les scores mesanes che vëgn organisé chësc ann por le 5 iade tles valades ladines. Chësc ann gnarà le tornê organisé a Corvara dal Sorvisc Sport Scolastich dl'Intendënza Ladina de Balsan en vëndres ai 20 de merz cun scomenciamënt dles partides dales 9 tl Stadium dla dlacia “Albert Pezzei”.
La ediziun 2015 vëgn metüda da jì dal Sorvisc Sport Scolastich dl'Intendënza Ladina de Balsan che à invié ite les scuadres da Fascia, Gherdëna, Fodom y Cortina por se confrontè cun la scuadra de ćiasa en vëndres, ai 20 de merz. Jogadus de dötes les valades se combaterà per le titul interladin 2015. Vigni valada sarà rapresentada cun öna na scuadra y śogarà cun dötes les scuadres de dötes les valades. Al sarà, sciöche tratan vigni ediziun, na beliscima desfida sportiva. Les partides meterà man
dales 9.00
tl Stadion dla dlacia “Albert Pezzei”
a Corvara.
Les miú scuadres gnarà premiades dales 14.00 cun medaies y copes scincades dala Raiffaisen Val Badia. I rapresentanć di media y düć i interessà é dër bel invià a to pert ala manifestaziun sportiva.
rc
