Atualità
Tröpes ofertes por les vacanzes da d’isté 2015 por la jonëza
Söporjö 500 ofertes por l’isté 2015 di mituns, jogn y families à l’Ofize Jonëza dla Provinzia publiché da püch sön la plata www.provinz.bz.it/ferien. Implü él da ciafè sön la plata internet plü informaziuns d’ütl por la perioda da d’isté danter jügn y setëmber.
L’Ofize Jonëza dla Provinzia à racoiü adöm te süa plata inernet dötes les informaziuns d'ütl che reverda les ativitês por mituns y jogn tratan les vacanzes da d’isté 2015. Sön la plata internet www.provinz.bz.it/ferien pon insciö lì do y s’informè sön les ofertes por mituns, jogn y families por la perioda d’isté 2015. Al é poscibl da fà na chirida partida sö do periodes, categories, eté, posć, organisadus y lingać.
Les ofertes por les feries da d’isté reverda insciö ativitês ti ciamps dla sanité, sport, musiga, informatica, teater, creativité, esperiënzes tla natöra, vacanzes al mer, festes por mituns, seminars, lingać, gites n tënda, jì sö por munt y arpizé. Les scomenciadies vëgn metüdes da jì da na seria de organisaziuns, lies y istituziuns culturales dla Provinzia.
Implü él da ciafè sön la plata internet www.provinz.bz.it/ferien plü informaziuns y consëis sön les tematiches che reverda „Tëmp lëde d’isté“, Laurè d’isté“ y „Iadi de formaziun y imparè“.
rc
Galaria dales fotografies
