Atualità
Autonomia y formaziun duala: le premier Renzi sará indoman a Balsan
Le suranstant dl govern Matteo Renzi sará indoman ( ai 5 de má) a Balsan. Tratan süa vijita él preodü n’incuntada cun le presidënt dla Provinzia Arno Kompatscher y cun le presidënt Ugo Rossi, sciöche ince na vijita al’aziënda Stahlbau Pichler por imparé da conësce da plü daimpró le model de formaziun dual dl Südtirol. Dales 11:30 él preodü na detlaraziun ala stampa.
L’autonomia y le model de formaziun dual dl Südtirol é les döes tematiches prinzipales dla vijita dl premier Matteo Renzi indoman, mertesc ai 5 de má a Balsan. Le pröm terminn dl premier sará n’incuntada cun le presidënt dla Provinzia Arno Kompatscher y le presidënt dl Trentin Ugo Rossi por aprofondí les chestiuns che reverda l’autonomia y i raporc cun le Stat, al sará presënt ince le secreter de Stat por i afars regionai Gianclaudio Bressa.
Dales 11 él spo sön le program na vijita al’aziënda Stahlbau Pichler a Balsan Süd, olache al laora y stüdia por le momënt 20 lerneri dles scores profescionales. Le premier ará insciö l’ocajiun da imparé da conësce da plü daimpró le model de formaziun dual adoté dales scores profescionales dl Südtirol. Do la contlujiun dla vijita él preodü na detlaraziun ala stampa dal premier Renzi y dai presidënc Kompatscher y Rossi
indoman, mertesc ai 5 de má
dales 11:30
tla sënta dla Stahlbau Pichler,
strada Edison 15
a Balsan.
Informaziuns por i rapresentanc di media:
L’incuntada cun i media é preodüda dales 11:30 tl salf por la stampa (entrada da via Zuegg 2, olache al é ince lerch por parché i auti).
rc
