Atualità
Aiüc por i migranc te Südtirol: Conferënza por i media ai 18 de má
L’assistënza y les modalités de sojornamënt dles porsones che damana do asil, sciöche ince la situaziun di migranc tratan le passaje tles staziuns dles ferates de Balsan y dl Prener é stades tematiches debatüdes tles ultimes edemes. Te na conferënza stampa ai 18 de má spligará l’assessuria Stocker, adöm ai rapresentanc dles assoziaziuns che se crüzia di migranc, la situaziun atuala te Südtirol.
Por le momënt él indöt 450 porsones che á fat domanda do asil che vir ti frabicac metüs a desposiziun por i migranc tl Südtirol, la maiú pert di migranc presënc é gnüs tl Südtirol tres chësta tlé de spartiziun danter les Regiuns che vëgn stabilida a livel nazional. I migranc che é rová tl Südtirol tres la tlé de spartiziun nazionala aspeta cina che süa domanda do asil vëgnes ejaminada, i atri grups de migranc ne á nia fat domanda y á l’obietif da rové, plüssigü, te Paisc dl’Europa dl Nord.
Por daidé i migranc tles staziuns dles ferates che é a Balsan y ó jí inant él sté de plü organisaziuns che s’á metü adöm por formé na rëi d’aiüt. Tratan plü incuntades danter i rapresentanc dla Provinzia, dl’organisaziun Volontarius, dla Caritas, dla Crusc Blancia y de atres porsones che dëida de süa buna él gnü stabilí na basa de colaboraziun por mioré l’assistënza söl post.
L’assessuria por les politiches soziales Martha Stocker y de plü rapresentanc dles assoziaziuns y istituziuns che se crüzia dl’assistënza ai migranc tignará na conferënza stampa
en lönesc, ai 18de má
dales 09:30
tl salf stampa
de Palaz Widmann,
plaza Silvius-Magnago 1
a Balsan
por stlarí n valügn punc che reverda la situaziun atuala y les mosöres de sostëgn tl dagní.
rc
